香港新浪網 MySinaBlog
« 上一篇 | 下一篇 »
Dozy.第一桶金 | 8th Aug 2016 | 一般, 財富@投資世界 | (5223 Reads)
  朋友Y對市區新盤很有興趣,對港島東尤其熟悉,年初以喪劈震撼價買入嘉亨灣,睇番最新估價,短短幾個月,賬面就賺咗160萬,叫一眾投資兵團戰友拍爛手掌!筆者之前亦以低價買入Lime位於旺角的同系作品,樓盤質素極高,筲箕灣「形薈」開盤自然要捧場。今次筆者又係好夜先入場,不過仍然好多人,相信入飛應該會幾理想。

Picture

 
位置(★★★★)
  形薈位於筲箕灣道,靠近筲箕灣巴士總站、電車總站,距離港鐵站僅數分鐘步程,交通非常方便。社區發展非常成熟,最為區外人熟悉的相信是筲箕灣東大街,是有名的美食天堂。從投資角度看,如果買來收租,客源主要是鰂魚涌、太古坊一帶商業區的上班族,筆者以前曾經在太古城商業中心上班,如果要前往筲箕灣,港鐵都唔使搭,搭巴士、電車都只係幾個站。代入港島東上班族,如果租樓住,位置上當然首選鰂魚涌,不過區內屋苑樓齡比較舊,想住有靚會所的新樓就會走到西灣河的嘉亨灣,形薈亦將會在考慮之列!

Picture

價錢(★★★)
  發展商開價不算貴,光豬呎價大約1.5萬起,平均呎價大約是1.7至1.9萬,今次推出的單位只有開放式及兩房,最平的開放式單位不到500萬,不過只有幾間,平均約550萬左右。兩房單位呎價較貴,平均約880萬左右,比區內半新盤如嘉亨灣、譽東等貴半成至一成,不過考慮到近期樓市回暖,熱賣新盤如旺角的Sky Park都要呢口價,話晒都係港島區又唔算好貴。

Picture

間格(★★★)
  形薈由3幢樓組成,合共有650伙,開則主打開房式及兩房,首批單位開放式面積介乎於281呎至332呎之間,兩房面積介乎於459呎至489呎之間,一房單位數量很少,面積介乎於258呎至398呎之間,不過今次沒有開售,似乎發展商對一房很有信心,遲啲先賣。今次的單位絕大部份都是開放式廚房設計,慳唔少位,兩房單位空間感不俗,現場所見細房應該可以放四六呎雙人床。至於開放式單位則一般,示範單位展示最細的281呎單位,擺放傢俬難度甚高,相比旺角Lime的開放式單位明顯較為輸蝕。筆者覺得一房比較好。

Picture

Picture

Picture

Picture

Picture

Picture

Picture

Picture

配套(★★★★★)
  旺角Lime雖然只是單幢樓,但會所超正,今次形薈的會所亦不負眾望,聽代理介紹應該有3層,3.5萬呎,先是2樓Lagoon Gala,有室內、室外泳池,另外有健身室、閱讀室、桌球室、卡拉OK等,然後35樓有一個空中會所,主要是Lounge及宴會廳,還有戶外一個疑似燒烤場的空間,招呼朋友開Party,佈局與旺角Lime類似。樓盤基座還有兩層商場,這部份更優勝。

Picture

Picture

Picture

Picture

Terms(★★★☆)
  樓盤是一個接近兩年的樓花,據代理說今次沒有包按包借,除了二按計劃之外,發展商最多可以借出一按80%,不過睇樓當日仍然未公佈詳情,是否需要做壓力測試等等仍然未知。比較特別的是今次的付款計劃之中沒有即供,只有建築期,好處是唔需要白供兩年,但是要承擔到時萬一樓市轉勢估唔到價的風險。

PicturePicturePicture

Picture

Picture

Picture

景觀(★★★)    設計(★★★☆)    年期(★★★★★)
  先講景觀,形薈是市區盤,附近發展成熟,中低層單位大部份都冇乜靚景,高層單位有機會望到海景,另外向筲箕灣道方向的單位,山景應該不俗。再講設計,相比起旺角的Lime,質料建材算幾細心,例如廚房有活動式飯枱,有個小型的酒櫃等,不過睇設計,無論在走廊、大堂及單位內隴等,相比旺角的Lime似乎都冇咁有型。年期方面,由於是舊契樓重建,所以年期是999年,驚喜!

★★ 1% 小本地產投資實戰。免費講座! ★★
★★ 題目:工廈、商廈...短線投資攻略! ★★
內容:2016 年下半年點部署?住宅、工商舖買乜好?
   商廈企穩!工廈大落後!百多萬有交易,點揀?
   轉用途、補地價,工廈大增值,散戶可以輕易做到?
   工廈拆售項目,一年多...逆市賬面大升近倍,點做?
加料:珠海投資機會!...半年升近四成,兵團連掃幾十伙!
講者:《工商舖小本投資入門》作者 Dooby Sir
   前大行工商舖負責人,30 年豐富經驗!
日期:8 月 11 日(四)7~10pm
地點:佐敦
留位:65330710-Cola、60980107-Icy(歡迎 Whatsapp)
留言(0) | 引用(0) | 話題(地產)